15 49.0138 8.38624 1 1 4000 1 https://wyrta.com 300 0

Pynkup burom ka Jowai Blood Bank ya kiwa e snam sñiawbha

0 Comments

Jowai: Ynne ka sngi kawa man leh kam ka World Blood Donor Day da kynmoo ya ka hapoh ka WJH District ha Jowai Civil Hospital Blood Bank, Panaliar, wa pynman daka Jowai Civil Hospital Blood Bank deiwa ya krehlang wa ka Meghalaya Aids Control Society, Shillong waka Meghalaya State Blood Transfusion Council, Shillong hajrong ka phang “Safe Blood for All” heiwa u Additional Deputy Commissioner u B.J. Kharshandi, MCS da man u kam u kongsan.

U kongsan hei klam yong oo da pynsñiaw u yeiwa emkaam kani ka sngi wei man ko ka burom ya oo wow emlang wei da yaroh u leh ya waroh kiwa e snam kiwa da pynim ya kiwa boon ki bru wa chitom wa emkaam snam wei da pynchlur u leh ya kiwi won wan ki chakhmat wow e snam.

Advertisement ad1

Ka Dr. Rita Pohrmen, Superintendent of Jowai Civil Hospital Ialong, ha ki ktien waiphang yong ka da e khublei ko yaki seiñ waphær waphær kiwa man ki por da wan ki wow e snam sñiawbha deiwa baan joor leh hadooh katwon emkaam wan e snam ki bru.

Ha kani ka sngi da pynkup burom leh ya u Ricky Dan uwa da e snam u la 11 sien haki soo snem yow man ko leh kam ka nongmuna ya kiwi wow bood ki.

Kam ka dak sñiawngooh da pynkup burom leh ya ka Kiang Nangbah Government College, Thomas Jones Synod College, Jowai, North East Adventist College, Khliehtyshi, Seng Samla Catholic, Jowai Parish, Jingiaseng Samla Presbyterian Balang Jowai, Seventh Day Thadlaboh, Jowai, Dalmai Bharat Cement Plant, Thangskai, East Jaintia Hills, Jaintia Eastern College, Khliehriat, East Jaintia Hills District, HDFC Bank Jowai wa yaka North East Adventist Church, Khliehtyshi. 

Ka Jowai Blood Bank da pynman ko leh ya ki yakob Quiz wa Drawing neibynta ki khynnah skur wei da saam khusnam leh cha kiwa jop.

Ha kani ka sngi da em leh ka Superintendent ka Dr. Norman Tunnel Hospital ka Dr. N. Nongpluh, ki Doctor waki kreh kani ka Hospital nalor kiwi kiwi.

Yaka yalang da pynlai daka Dr. P. Shylla, In-charge ka Jowai Blood Bank wei yaki ktieñ sñiawngooh da yoh na ka Dalangki Dkhar, Lab Technician, Jowai Blood Bank.

Advertisement ad1
Advertisement ad1

0 Comments

Leave a Reply