Pynkup burom ka JSM ya ki 81 ngut kiwa lehbha hei puræ puthi

Ka Jaiñtia Students’ Movement (JSM) Education Cell-Central Body kamwa jooh leh man-u-snem da pynman biang ko yei pynkupburom kawa tip kam ka 8th Academic Excellence Award 2026, neibynta ki khynnah puræ kiwa na Ri Jaiñtia kiwa yoh 85% chaneiñ ha ka SSLC, 80% ha ka HSSLC wa 75% ha ka Graduation kamjooh da e leh da ka Exceptional Award cha kiwa pyndep wa kiwa wanrah naam rah burom ya ka Ri Jaiñtia deiwa jop ha kiwon kiwon ki jait yalehke wa pynman ha ka State wa National Level wei wa ha uni u snem da em kiwa yoh Award hadooh 81 ngut tam.

Ya kani ka yalang e khusnaam da pynman ynne ha Jaiñtia Eastern College, Khliehriat, heiwa u Shailendra Bamaniya, Superintendent of Police (SP) East Jaiñtia Hills District, Khliehriat, da man u kam u kongsan, u S. Paslein, Additional SP ka EJH kam u Guest of Honour wa kiwi kiwi kiwa chah khut sñiawbha.

U kongsan hawa e yei klam da e mynsien u ya kiwa yoh khusnaam deiwa ong wa i jop yong ki ymtoh kawa ye u yoh marsien yoh tangwa kawa hap dei yaleh yow yoh yei jop hei rta pyrthai, ye ko u chimpor tangwa chisien da jop i dei kitkhlieh dei yaleh chitom man i jop iwa hun ha mynsien.

U symbood kongsan hei klam da pynsñiaw u wa i stat i tip man i iwa kordor tam, wei kam kiwa yoh Award emkaam u em ki ya ka thong hawa im deiwa yaleh chitom u khreh ki kot kiwa boonjait ki wow yarap ya ki u poi cha ka thong yoh u ye phi u chakri ya ka imlang sahlang.

Related posts

U neh ka sorkar MDA hawa kut ka samoi | Hun ka HSPDP yei kreh ka sorkar MDA: Methodius

September 26, 2026

Ha u sainar bordiñ tyngkhooh ki san ngut hadooh wa mynsoo heipor wa lai noh Blai

September 26, 2026

Chooh chooh da yoh yei kyntien e mynsien na u Dr. Phervision Nongtdu uwa man u Director ka Jaiñtia Eastern College, na u Roitre Dkhar, General Secretary Central Body, na u President Rangbah ka seiñ, u Leningstar Rymbai ryngkat wa i klam neiliang kiwa yoh khusnaam, ka Mandahaka Phawa wa ka Dakahi Kyndait kawa man ka Ultramarathoner kamjooh ka Meghalaya Police Officer wa neiliang ki bei ki pa yong kiwa yoh khusnaam da klam da u W. Law.

Ya kani ka yalang da pynlai da u Arwankijuh Dkhar uwa man u Secretary ka JSM Eastern Region deiwa sdang dei ngooh i dem na u Heihokmi Supuh, President JSM Western Region wei da pynbood dei kyntien pdiang burom kamjooh i chaad pdiang burom na ka JSM Pamra Unit, khaddooh da yoh yei kyntien sñiawngooh na u Publicity Secretary ka JSM Central Body.