Pynkup burom ka kur Sookpoh Khad-Ar Wyrnai ya ki khynnah wa pass bha

Jowai : Ka kur Sookpoh Khad-Ar Wyrnai ynne ka sngi da pynman ki ya ka yachemlang wa chisien chisnem yong ka kur ha yung kur wa em ha Chilliang Raij.

Ha kani ka yachemlang da yaklam ya kiwa boon ki kaam wa ka seiñ kur da kreh ko nadooh ki yung wai dang chna yow pynmih poisa ya ka kur wa kiwi de ki kaam ka seiñ.

Ka kong Hima Lakiang, Chairperson WWO da khana ko chaphang ka Crèche wa da sdang heiwa da man ko kawa lai bha cha khmat wei da em 15 ngut ki khynnah wa pait ki man ka sngi, wei ya kiwa kreh ha kani ka Crèche da jied bniah bha da kiwa ye u syndong ya ki khynnah.

Related posts

Ha ka sngi pynkut ya ka Shad Nongkrem wan e kti u Lat ya ka aiñ Hima Khyrim Act, 2024

November 12, 2024

Da pynthymme ya kiwa kitkaam ka Khyrdoh Kur Passah

November 11, 2024

U General Secretary ka seiñ kur u ma Lamwan Paswet da khana u wa ka seiñ em ko 10 Unit ha Jowai wei daw sdang leh ya ki Unit wa thymme, ha uni u snem da khlaad 19 ngut ki kur Sookpoh Khad-Ar Wyrnai wei da yarap poisa ya waroh wa da poi hadooh 57 hajar kamjooh ong u wa cha ki kur ki jait wa bia da e ya ki T. 5000.

Da pyntip u leh wa ha Jowai da pynbiang thaw sah ya ki kur ki jait wa dooh kari u liwan cha chnong.

Ha kani ka sngi da saam leh ya ki khusnaam da ka Education Committee cha ki 7 ngut ki dkhot ka kur kiwa da leh bha ha ki Exam waphær waphær.

1. Ka L. Wandakaru Paswet, M.Sc. Agricultural Extension kawa yoh 86.1%
2. Ka Ornella Lakiang, Master of Computer Application kawa yoh 82.5 %
3. U Rousell Lytan, B.Sc. Fishery Science
4. Ka Risalana Veema Syngkon, BA Sociology kawa yoh 69.25%
5. U Pynchem Nikhla, SSLC uwa yoh 89.83%
6. U Ha-u-ru Pakynteiñ, SSLC uwa yoh 79.83%
7. Ka Ha-i-sa Kma, SSLC kawa yoh 77.16%

Kam chibynta leh wow pynehbok ehnasib ya u para kur u Acting Dolloi u Puramon Kynjin, ka kur da e sñiawbha ko ya ka poisa T. 42,600 yow yarap ya oo ha ka yaleh election Dolloi wa daw pynman ha u bnai wa ar yong  u snem thymme.

Neiliang u Acting Dolloi da ong u wa yooluti u wa waroh ki kur ki jait wow emlang ki wa oo yow yoh u wanrah ya i burom ya ka kur ka jait neibhah ka Elaka Jowai toh kawa kyrpang kawa synchaar tipbru tipblai wei ka yaleh election dolloi ymtoh u phon u pah ya ki paidbah da ki scheme toh du deiwa yoo u blai yeiwa khooid yong u bru yow yoh yei jop.

Ha kani ka sngi da yoh leh ya ki rwai ki chaad na ki dkhot ka sur wei da pyntip leh wa daw pynman ya ka Fete yong kur ha ka 21 wa 22 tarik u Naitung (April).