Ynne ka sngi, ka Dorbar Chnong Madankynsaw Mowkyndeng deilang waka Seiñ Khynrow Katholik Mowkyndeng da pynkup burom ki ya ki le ngut ki khon yong ka chnong kiwa da lehbha ha ka HSSLC wa SSLC 2024.
Kini kynthup ki ya ka Monkynjailin Syngkon kawa yoh 10th Position ka Merit List ka HSSLC (Arts Stream), ya u Abraham PK Lyngdoh uwa yoh heh Marks dooh ha ka Computer Science heiwa da yoh u 99 na ka 100 ha ka SSLC uwa lai skur ha North Liberty HS School, Jowai wa ya u Samuel Dkhar u wa man kam u Topper hapoh ka skur St. Dominic HS School Mawkyndeng deiwa yoh u 84.88% ha ka SSLC.
Ha kani ka pynkup burom da ya emlang leh ki sahep sorkar wa pynmih ka chnong wa kynthup ya u Paul Synnah uwa man kam u EE ka PHE Electrical Division Jowai wa u Carmel Suchiang AS&WCO Jowai (T) Division deilang wa u Principal ka St. Dominic Hr. Sec. School Mawkyndeng, u Rev. Fr. Richard Rapthap, ki Sister In-Charge yong ka skur, u Waheh Chnong, u Rimanki Chympa, ki dkhot chnong kiwa chah khut sñiawbha deilang wa ki paaid wa chong chnong waroh.
Discussion about this post