Pynkup burom ka NPP Women’s Front WJH ya 111 ngut ki manbei wa e chakri ha ka imlang sahlang

Ka National People’s Party Women’s Front, West Jaiñtia Hills Unit, ha ka 9 tarik uni u bnai da kynmoo burom ko ya ka sngi wa kyrpang ki manbei wei da chimbynta ha kani ka sngi deiwa pynkup burom ko leh ya 111 ngut ki manbei kiwa embynta u chakri ya ka imlang sahlang ha ki bynta waphær waphær.

Ya kani ka yalang leh burom da pynman ki ha Community Hall ka chnong Wahiajer hei pynlai ka Chairperson, ka Lily Phawa.

Related posts

Kamwa man ka Wah Myntdu kwah u Dr. Nonglait u chakri ya ki paidbah

October 22, 2026

Chah kem uwa klam beiñ wei leh khlem akor ya uwa na Tripura ha Delhi

October 22, 2026

ADVERTISEMENT

Ya ka bynta pynkup burom da pyndep da u Octomewot Lamin, Nominated MDC ka JHADC uwa man leh kam u State Working President ka NPP kam u kongsan ha kani ka sngi wa u Reformingson Lamare, MDC ka Nartiang Wahiajer uwa da man kam u symbood kongsan.

Heiyatoh wa ka phang yong kane ka sngi da yoh i klam kyrpang na ka Tngenris Sutnga, kawa da e mynsiem ya ki kynthai, ki manbei wei ong ko leh wa i e kti yong ki hei wow chakri yei bha i miat yonglang man ko ka bynta wa kongsan tam hei roi i paar ka imlang sahlang.