Jowai: Ka Dorbar Chnong Ratacherra, East Jaiñtia Hills District ynne ka sngi da pynkup burom ko ya u Desous Pohshna uwa da wanrah naam rah burom ya ka chnong deiwa chimkti ya ka chuki Deputy CEM ka Jaiñtia Hills Autonomous District Council (JHADC).
Da pynkup burom ya oo da ka Ryndia-tlem wa ki syntu da uwi na ki waheh ka chnong u Osbil Nongtdu ha ka yalang kawa da pyllai da u K. Pohlong uwa man kam u Assistant Secretary Chnong ha Community Hall ka chnong hei emlang u Waheh Chnong u Khamsngurbha Pohing wa kiwi kiwi ki waheh kamjooh ki khon ka chnong.
U Pohlong hawa e ya ki kyntien maitphang da pynsñiaw u ya i mynsien sñiaw sarong wa ka Dorbar Chnong da yoh ko ya u khon uwa mihkhmat ymdu ya ka chnong tangwa wot hadooh ka yung dorbar chna aiñ ka JHADC wow kreh neibynta ka jaitbru.
U Desous Pohshna, won da pysñiaw u yei mynsien sñiawngooh ya ka Dorbar Chnong kawa e i kyrchaan ya oo.
Discussion about this post