Pynkupburom ka UDP Darrang Unit ya u Lahkmen Rymbui

Jowai: Ka UDP Darrang Unit ryngkat wa ka tnat Youth Wing, ynnin ka 12 tarik da pynkup burom ko ya u MLA ka 7-Amlarem Constituency uwa man leh u montri ka sorkar MDA hapoh ka jylla.

Ha kani ka sngi, kiwa kyrchaan wa ki paidbah ka chnong da wan pdiang burom ki ya oo ha ka yalang wa tbian kawa da pynlai da u President yong ka unit, u Jim Ryngksai wa u Secretary u Reachingson Kongwang ka UDP Darrang Unit.

Da yoh ya ki kyntien pdiang burom na u Reachingson uwa da pynsñiaw wa ka Unit wa ki paidbah ka chnong dap ki dei mynsien wa kmen wow yoh ya uwa mihkhmat uwa man leh kam u montri ka sorkar deiwa yooluti wow ye u wow wanrah ya ki kaam pynroi hapoh ka thaiñ khamtam ka kaam uiñke suwari.

Da yoh leh i klam na u Benedict Ryngksai uwa man u Secretary ka chnong uwa da pynsñiaw ya i jooh i thrang i angnood ki paidbah wow kyntu ya ka chnong waroh kawi.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Ya u Lahkmen da pynkupburom da ki waheh ka party UDP kiwa kynthup ya u Arnest Pohti, u Tan Khongshling wa u Chui Pohti.

Da yoh leh ya i klam pdiang burom na u Rahul Suchen uwa man kam u President ka Youth Wing wei da e leh ya ka momentos cha u montri da ki dkhot ka Youth Wing.

Neiliang u Lahkmen da pynsñiaw u yei mynsien sñiawngooh wa khroo ya ki paaid ka chnong kiwa da pynjop em burom ya oo ha kani ka Election wa dang dep wot.

Da ong u leh wa oo thrang u wow kyntu kynrong ya ka chnong khamtam ha ka kaam uiñke suwari deiwa kyrpaad ya ki paidbah wow e ngooh ki khnang wa u blai u emlang u ryngkat wa oo wow ye u wanrah ya iwa thrang ki paidbah waroh.