I lehkmen Silver Jubilee namo i dap 25 snem ka District Institute of Education and Training (DIET) Thadlaskeiñ, West Jaiñtia Hills dapoi ko cha wakut ha ka 2 tarik heiwa ka L.B.R. Marak, Assistant Commissioner, WJH da man ko kam ka kongsan, hei sakhilang ka R.S. Manners, Rtd. Director of Educational Research and Training, Meghalaya, ki Principal warim ka DIET, kiwa sikai, kiwa lai puræ deiwa emlang kiwa sikai wa kiwa da pyndep yei chah sikai najrong kiwa chah khut sñiawbha.
Ka L.B.R. Marak hawa klam kam ka kongsan ong ko, i lai luti wa 25 snem ka DIET Thadlaskeiñ man ko ka thong hajrong kammon u pynwandur yei rukom im kiwa boon ki khynnah skur ka Ri-loom Jaiñtia.
Neitæ ini i lehkmen pynkynmoo ko yei lai luti uwi pa kawi wa kamjooh i man khlan ka DIET heiyatoh wa i puræ puthi yow man kiwa sikai skur kiwa pliah.
Da ong ko wa i lai chakhmat kani ka chlem e sikai toh deiwa kreh chitom nadooh kiwa sikai hei wow saam yei tip i stat, wa kamjooh kiwa chah sikai kiwa wan puræ deiwa em ka thong kut yumut.
Wei kamjooh kiwi tawon wa e kyrchaan yow yaleh u pynkhlan ya kani ka chlem e sikai na ki snem cha ki snem.
Ha kani ka sngi da yoh leh i klam na ka Dr. B. Danibha Pyrbot, Principal DIET, Thadlaskeiñ, WJHD, na ka Dr. E. Syiem, Associate Professor, DIET Thadlaskein, ka S. Warjri Principal warim DIET, wa ka R.S .Manners.
Da pynkup burom ya kiwa sikai wa nyngkong dooh deilang kiwa kreh kam chibynta i tipmit yei emkti ki hei wow pynlai chakhmat ya kani ka chlem e sikai.
Da pynkut ya kani ka lehkmen deiwa pynhiar ya ka lama lehkmen Silver Jubilee.
Discussion about this post