Ka sorkar Meghalaya da ye kow wow pynbait yei kajia thaw iwa da neh da ki phaw snem deiwa e 128 Acre i thaw wa em ha Saitsohpen ka Sohra Civil Sub-Division cha ka Elaka ka Hima Sohra.
Yeini da pyntip da u Montri Rangbah, u Conrad K. Sangma hadien wa kut ka Cabinet Meeting ynne ka sngi wei da chim yeini i rai deiwa tyrwa ka Committee wa khlieh da u Deputy Chief Minister, u Prestone Tynsong.
Kani ka Committee dadep ko wow chong yaklam yasyllok wa kiwa emkti ha ini i kaam da palat chi snem chiteiñ yow ye u poi chei yasuk hadien wa da yaleh da slem bha.
“Kamwa 128 Acre i thaw daw e kti cha ka Elaka wei iwa dang sah daw pteiñ i wow neh hapoh ka Government Administrative Department (GAD) ka sorkar jylla,” da pyntip u Conrad.
I yaknieh yeini i thaw toh iwa nadooh i por ki pharæng heiwa ka Elaka da kam ko yei mantre ya ini i thaw hadien wa dep ki pharæng u chim ki. U Conrad da ong u wa kiwa chong chnong ka Elaka em ki ki kot ki sla yei mantre da ki phaw phaw snem nachwa chwa wow em ka Meghalaya leh.
Kamtæ deiwa ye u yaklam bniah da ye wow pynkut yeini i kaam wa da sahtieñ da slem bha.
Discussion about this post