Kawi kawa kreh kam kawa puræ khubor (News Anchor) yong ka laad pathai khubor na Assam wa tip kam ka “Sach-The Reality” da chem yei metyap ko pyn hapoh ka yung krehkaam kani ka thaw kreh ko wa em ha Christian Basti, Guwahati.
Kani kawa da khlaad toh kawa tip kam ka Ritumoni Roy, wei ki pulit da ong ki wa da yoodur wa yap ko deiwa pynkut hi yei mynsien heiwa da chem leh ya kawi ka kot wa thoh ko dei kti kawa ong wa leh ko yeini neibynta i bha i miat yong waroh deiwa paan maap ko wa da leh ko yeini.
Katkam wa pyntip ki pulit, ka Ritumoni em Duty ko dei miet ha ka 23 tarik uni u bnai tangwa hadien wa pyndep ko yei kreh ym em liwan yung ko.
Yei metyap ko da chem da kiwa krehlang waka manda poi ki ynne i step.
Ka Ritumoni toh kawa jooh kreh kam kawa thoh khubor wa kiwi ki laad pathai khubor chwa wow kreh ko wa ka “Sach”.
Ini waroh da pynkhyrngiat i ya ki lok ki jor, kiwa ha-yung ha-sem ko neidaw wa daw bia ko ha ka 5 tarik u bnai wow wan wei dadep leh wow khut ya ki bru wow wan embynta ki.
Da suba wa ka Ritumoni toh kawa chitom poisa iwa da ktah bha yei pyrkhat pyrdaiñ ko wei sa i bia ko da pynkhia chooh chooh wei ye u man leh wym yoh ko yei kyrchaan na ka yung ka sem ko neibhah ym em de sahlang ko wa ki deiwa mih sah yungwai chawi won i thaw.
Discussion about this post