theme-sticky-logo-alt
theme-logo-alt

Wa chah pyndik ki paidbah ha ki BSF, kular u DC ka West Jaiñtia wow chimkhia

Advertisement ad1

Ka Khasi Students’ Union-West Jaiñtia Hills District Unit hapoh i yahkhmat u Chanbor War, Vice President ha ka 22 tarik da lai yachem ki ya u Deputy Commissioner ka West Jaiñtia Hills ha kamra krehkaam yong oo ha Jowai.

Ini i yachem toh wow yaklam hajrong ka ujor na ki paidbah ka thaaiñ khappood ka Bangladesh nadooh Muktapur chadooh Dawki neibhah ki chipai Border Security Force (BSF) jooh pyndik wei pynthut ki ya i lai i wan ki paidbah heipor wa wan ki na ki yaaw ki haat khamtam na Amlarem wa Dawki.

Advertisement ad1

Da ujor wa ki chipai da kynreh ki ya ki tiar ki tar wa thied na yaaw hajrong wa pynbiang ya ki Cash Memo na ki dukan wa thied ki wei ym du kattæ ki chipai leh ym kheiñ de ki wot ya kiwa kjut chitom kiwa mut u lai thooh dawai heiwa da ksoh ya ki da ki kynta wei wow kynreh ya ki.

Ka KSU da ong ko wa ini i leh ki chipai da pynchrai ko ya ki paidbah ka thaaiñ neibhah ki chipai pyndik ki du ya ki bru India katwa ki dkhar na Bangladesh yoh ki u psiah u mih laitlooid katwa ngait.

Neiliang ka seiñ da beiñ ko ya ini i leh ki chipai i wym kheiñ de ya ki tre jylla, ki kynthai khynnah wa chong ha kini ki thaaiñ.

Hadien i yachem neiliang u DC da kular u wow chimkhia yeini wei ym e laad de wow chah pyndik ki paidbah kamni.

Ka seiñ da dawa ko leh na uni u sahep wow pyndooh ya ka ktem ki BSF wa da booh ha Amlarem wei wow phah noh ya ki cha khappood wow khang laad ya ki bru Bangladesh wow psiah chapoh ka ri.

Share this:
Previous

Yoh takma ksiar wa rupa ki pulit ka Meghalaya ha ka All India Fires Service Sports & Fire Meet

Next

Pynkut noh ka HC ya ka PIL heiyatoh wa u sarok Borkhat-Sonapur