theme-sticky-logo-alt
theme-logo-alt
Advertisement ad1

Pynkut u Conrad yei lai Tour cha Nagaland wa Manipur

U montri rangbah ka jylla Meghalaya uwa man leh u heh ka National People’s Party (NPP), u Conrad Sangma da pyndep u ya ka lai Tour u cha ka jylla Nagaland wa Manipur ynne ka sngi.

Hawa klam wa ki laad pathai khubor chwa wow liwan u cha Shillong, u Conrad da ong u wa ini man ko kam chibynta wow pait yei long i man wei wow yaklam leh yei man ka kaam seiñ saiñ pyrthai ha kani ka thaaiñ.

Da ong u leh wa ka Party u pteiñ ko ya ini i lai hiar cha kiwi ki jylla yow pynkhlan yaka Party. U Conrad da ong u leh wa ka NPP toh ka Party kawa nyngkong napoh ka thaaiñ North East wow yoh yei tipmit kam ka National Party deiwa ong leh u pteiñ ko wow kreh nibynta i emkaam kani ka thaaiñ.

Da pyntip u leh wa ka NPP da rai ko wow kyrchaan yei yaklam ki seiñ saiñ hima ka Naga waka sorkar India. Da ong u leh wa waroh kawi ka thaaiñ da yooluti wow poi noh cha ka mynjur wa waroh u hunlang ki wei da kyntu u ya kiwa embynta wow pyndep smat noh ya ini i yaklam.

U Conrad da yachem u wa u Nagaland Chief Minister u Neihpiu Rio wa u Governor u R.N. Ravi yow yaklam wa kiwa boon ki kaam.

Advertisement ad1
Share this:
Previous

Da wan thooh ya ki 647 ngut ki nong India na China

Next

Yap 11 tylli ki masi ha kawi ka Truck wa tyrrah ha yingkieñ Sonapur