Uwa yahkhmat ka All India Trinamool Congress (AITC) ha Meghalaya uwa man nachwa kam uwa yahkhmat warim ka Congress, u Dr. Mukul M Sangma da ong u wa ki paidbah ymtoh u mutdur de ki wa u Dr. Mukul daw lai uiñ biang u cha ka Congress.
“E wa nga u pynkut noh O kattu yei ini i mutdur. E ya nga iwi i daw ileh wow uiñ biang cha ka Congress. I yaleh man ko ya ka bor saiñpyrthai ha kani ka jylla wei nga da yaleh pyrchah O wow kynhun ya kiwa pynlai wei wow yada ya ka jylla”, da ong u Dr. Mukul.
Da ong chooh chooh u wa oo yakhun pyrchah ya kani ka sorkar kawa katni neibhah wa da pynkulmar lut yei roi i ku. Kani ka sorkar kawa katni da ngooid lut ko ya ki kaam ki jaam ki paidbah wei da e won du kattu katni.
“Lada kylli na kiwa khayi wa kiwa seiñ khih yong idæ waroh daw ong ki wym sñiawsuk yei rukom krehkaam yong kani ka sorkar, heiwa da ñion ko ya kiwa khian wei da pynkulmar ko ya ka kamai kajih yong ki”, da ong u.
Da ong u leh wa lada uiñ biang cha ka Congress kiyi won wow yakhun neibynta kini kiyi kiyi.
“Ymtoh mo iwa sakhiat wa ka Congress dang emlang ko wa ka NPP. Dieh lai cha District Council, phi klam ya ka Congress ha Meghalaya wa wym tip cheiwon wow lai, lada toh kiwa tip cheiwon u lai toh u tip ki lada toh u emlang wa ka NPP næ ym boi”, da ong u Dr. Mukul.
Da ong u wa ha ka rynsan paidbah ka Congress da klam ko da kamwi tangwa da emlang ko wa ka NPP.
Hawa kylli won lada daw seiñ u da ka yong oo hi ka seiñ saiñpyrthai wa thymme, u Dr. Mukil da ong u wa yeitæ ym ye wow kyntait.
Discussion about this post