Ka sorkar Meghalaya ynne ka sngi da pynkylla biang ko ya ki kyndon heiyatoh wow leh yaki Test COVID-19 kamjooh i psiah i mih chapoh ka jylla.
Ya kiwa psiah chapoh ka Meghalaya hap ki wow pyntip (Register) chwa wow lai luti ki deiwa lai haka Website http://meghalayaonline.gov.in/covid/testing.htm wei wow Download yaka Arogya Setu App waka Behaviourial Change Management App ka Meghalaya naka Google Play Store.
Heiyatoh wa i leh Test, kitu kiwa psiah kiwa emlang waka COVID-Negative Report haki Entry Point ym hap de ki wow Test hanla wan ki na kawon kawon ka jylla. Yaki Test toh u leh da ki Laboratory kiwa tipmit deiwa leh daka RT-PCR/TruNat/CBNAAT/RAT wei kini ki Test toh u man ki kiwa leh 72 kynta chwa wow poi ki ha ki Entry Point. Yaka RAT Negative Report u pdiang lada toh kawa da dep Test 48 kynta chwa wow poi ha ka Entry Point.
Ya kitu kiwa ym em yaka COVID-Negative Report, ye ki wow Test ha ki Entry Point kawa hap dei su ha i dor wa da booh ka sorkar. Ye ki wow jied daka RAT lane daka RT-PCR.
Heiyatoh won wa i leh Quarantine waroh kiwa em yaka COVID-Negative Report wa leh da ka RT-PCR/TruNat/CBNAAT kiwa ym em ki dak ki chin wa chitom ym hap ki wow leh Quarantine wei ye ki wow leh yei kaam yong ki.
Ya kitu kiwa leh yaka Test RT-PCR ha i thaw psiah (Entry Point), hap ki wow leh yaka Home Quarantine lane ka Quarantine ha i thaw wa hap wow su dei dor hadooh wa yoh ki yaka Result. Ka Result toh kawa jooh yoh hapoh 48 kynta. Lada toh ki man ki kiwa man Negative daw yoh ki da i SMS wei ye ki leh wow yoh yaka Result deiwa lai haka www.coronamegh.in wei kini leh ye ki wow pteiñ yei kaam yong ki hadien wa yoh yaka Result. Tangwa lada Test man ko Positive daw hap bood yaki kyndon wow chong kset samen.
Ya kitu won kiwa psiah kiwa man Negative kiwa da leh yaka RAT Test lane kiwa rah yaka RAT COVID-Negative Test Report, hap ki wow leh yaka Quarantine kawa 7 sngi. Lada man Positive ki, hap ki wow chong kset ha yung lane ha ki thaw wa da booh ka sorkar.
Ya kitu kiwa ym em ki dak ki chin wa chitom kiwa mih na Meghalaya 5 sngi lane duna 5 sngi, manda liwan ki, ym hap ki wow leh Quarantine hadien wa leh yaka RAT Test wei man Negative ko. Hap ki leh wow pynsakhiat ya ini i lai i wan yong ki deiwa pynyoo ya ki Air/Rail Ticket lane ka bai kari, wa kiwi ki sabut wow pynsakhiat ya ki sngi wa lai luti ki. Lada man Positive ki, daw hap ki wow leh yaka chong kset ha yung lane ha ki thaw wa da booh ka sorkar.
Ya kitu won kiwa psiah chapoh ka jylla neibynta i khih i khan, kiwa yaleh Exam, ka khayi pateiñ, ki kaam wa jhan yong samen kiwa du neibynta 5 sngi lane duna 5 sngi, ym hap ki wow leh Quarantine lada em ki yaka COVID-Negative RAT Report kawa da leh hapoh 48 kynta wa psiah ki chapoh ka jylla wei ye ki wow leh yei kaam yong ki. Lada i sah pteiñ i palat 5 sngi, daw hap ki wow leh yaka RT-PCR/CBNAAT/TruNat Test deiwa hap ki wow su dei dor ha ki Laboratory wa da tipmit da ka sorkar haka sngi wa 5 wa sah ki wei ye ki wow pteiñ yei kaam yong ki du hadien wa yoh yaka Result.
Ya kitu kiwa lait nei leh Quarantine toh u paitbniah bha ki yei chait i khiah hadooh 10 sngi nadooh wa psiah ki chapoh ka jylla.
Ya kitu kiwa yoh ya u COVID-19 kiwa em ya ki dak ki chin wa chitom malu mala kiwa haap hapoh ka Category A wa B, daw pynlait noh yaki napoh ki thaw chong kset ka sorkar kamjooh kiwa leh ya ini ha yung hadien 10 sngi lada ym em yoh ki yaki dak ki chin wa chitom ha ki 3 sngi kitæ ka sngi wa 8,9 wa 10.
Hadien kini ki 10 sngi da chah yaki wow pteiñ ki wow leh yei kaam yong ki deiwa pyntip cha ki wakreh Health hadooh ki ANM/ASHA lada sdang ki wow yoh yaki dak ki chin.
Ya kitu won kiwa da man kam kiwa em hei maa wow yoh ya u COVID-19 kiwa yachem wa kiwa yoh COVID-19 kiwa ym em deiñ Mask wei da yachem ki 15 minit, daw hap wow Test yaki daka RT-PCR haka sngi wa 5 nadooh wa yachem wa kiwa yoh, hap ki wow kset ya idæ nadooh wa yachem ki wa kiwa yoh ya uni u khñiang hadooh wa yoh yaka Test Result.
Lada ka Result man ko Negative, ye ki wow pteiñ yei kaam yong ki deiwa pait bniah yei chait i khiah yong ki 10 sngi. Lada ka Result won man ko Positive, daw hap ki wow leh yaka chong kset samen samen katkam ki kyndon.
Ya kitu won kiwa hap dei thiah Hospital daw pynlait yaki katkam ki kyndon wa da em chwa.
