Shillong: Kam chibynta wow kynmoo ya ka sngi ‘Kyrsu Ri’, ynne ka sngi ki dkhot ka Khasi Student Union (KSU) hapoh i yahkhmat u President u Lambokstarwel Marngar da lai ko wo booh da i pyrtuid ‘Phan Nonglait Park And Animal Land’ heithaw ka ‘Lady Hydari Park’ kawa em ha Barik, Shillong hadien wa ki bor sorkar ym leh ki iyi iyi leh wow kylla pyrtuid hanlada ka sorkar jylla da pynbna ko nadooh u snem 2001 wow kylla noh ya i pyrtuid cha ka Phan Nonglait Park.
I pyrtuid ka Phan Nonglait dang chah murieh bait i hanlada ka seiñ dadep booh ki da i pyrtuid thymme tangwa da chah looid i.
U President ka KSU da ong u wa i lai yong ki wow pynkylla pyrtuid toh neidaw ka sorkar dang pyrchang ko wow murieh ya ki pyrtuid kani ka bru chlur ka jaitbru ka Phan Nonglait kawa man ka manbei wa chlur wow yakhun pyrchah yei synchaar ki dohlieh.
Da ong u wa lada ka ri ym tipmit de ko ya ka Phan Nonglait da man kamwa yoohbeiñ wei kheiñ poh ya ka iktiar ki manbei Khasi wei lada ka sorkar ym kwah ki wow pyndam ha ya i pyrtuid wa rim, ka seiñ ym yohsa ko wow pynyoo da ki kaam wei lada em wa pynhiar ya kani ka pyrtuid wa booh ka seiñ ynne ka sngi, ka seiñ daw lai won ko da kiwi ki luti.
Da ong u wa ka Phan Nonglait kawi na ki manbei wa chlur wow chimbynta lang ha ka thma pyrchah ya ki pharæng wei em hok wow yoh ko yei tipmit ha ka jaitbru.
Discussion about this post