Hadien wa ka Finance Commission da e laad ko wow wow pynku ya ka chim ram sha ka 4% lada em i duna poisa na ka mang tyngka yong ka jylla. Ka sorkar Meghalaya ynne ka sngi da mynjur ko wow pynkylla ya ka Meghalaya Fiscal Responsibility & Budget Management Act, 2006.
U Montri Rangbah ka jylla uwa pait leh ya ka chat muna tyngka (Finance), u Conrad Kongal Sangma da pyntip u wa ka Cabinet ynne ka sngi da mynjur ko yei pynkylla (Amendment of the Meghalaya Fiscal Responsibility and Budget Management Act, 2006) kamwa da leh da kiwi jylla, hadien wa da e laad wow pynku yei chim ram na ka 3% cha ka 4% yong ka GSDP.
Hawa kylli, u Montri Rangbah da pyntip u wa da ini i pynku, ka jylla da ye ko wow chim ram sa kamwa T. 400 klur lada em i duna poisa ha ka chi snem.
