theme-sticky-logo-alt
theme-logo-alt
Advertisement ad1

Saam ka Mynsngat da ki kymmor cha ki 700 tam ki manyung ka chnong

Ynne ka sngi ka Dorbar Chnong Mynsngat, da saam ko ya ki kymmor cha ki 700 tam tylli ki manyung wa em hapoh ka chnong. Kini ki kymmor toh kiwa da e sñiawbha da u MLA ka thaaiñ uwa man leh u Montri ka sorkar jylla, u Sniawbhalang Dhar. 

Ha kani ka sngi da em leh ka yalang wa tbian chwa wow saam ya kini ki kymmor hapoh ka chnong ya kawa da pynlai da u Chairman ka chnong, u Jondeng Pasi. 

Ha ka yalang da yoh yei klam na u Waheh Chnong, u Linusphrangki Phawa, u Secretary ka chnong, u Precious Pale wa na u Advisor ka chnong, u Lieh Sungoh. 

Kiwa klam ha kani ka sngi da pynsñiaw ki yei sñiawngooh ya u MLA heiwa lyngba ini i e sñiawbha yong oo da man i yarap wa khroo ya ki manyung hapoh ka chnong khamtam ha kini ki por wa kjam yong ka tlang.

Chooh chooh neiliang ki khon ka chnong da kitbok kitrwiang ki ya u MLA wow yoh u yei chait i khiah heiwa daw ye u wow kit u bah ya chiboon ki kaam yong ka chnong wa ka Constituency waroh kawi kamjooh leh ya ki paidbah ka jylla kam u Montri ka sorkar. 

Neiliang ka Dorbar Chnong Mynsngat da e khublei Christmas wa snem thymme wasuk wa kmen ko ya waroh ki paidbah ka Ri-loom Jaiñtia wa ka jylla.

Share this:
Previous

Khlaad syndet u Dui-ia-tra Challam

Next

Pynkylla ka sorkar ya ka aiñ yow pynku yei chim ram ka jylla cha T. 400 klur chi snem