U Montri Rangbah ka jylla, u Conrad Sangma da pyntip u wa hadien wa da pynman ya ka Covid Review Meeting ynne ka sngi, da chim ya ki rai wa thymme heiyatoh wa ki kyndon wa da pynkrehkaam ini wa dep wow kdooh u khoom i poor ka khlam COVID-19.
Kitu kiwa da dep yoh tika waroh arsien ym emkaam ki wow leh ya ka RT-PCR Test hawa psiah ki chapoh ka jylla kamwa da booh kyndon ini wadep.
Da pyndam leh ya ki Night Curfew, ki skur u man ki kiwa wai pura nadooh ka 14 tarik itæ nadooh Class I hadooh Class V khamtam ha Shillong.
Hawa em ki yalang hawa yap bru ym emkaam wow paanbor tangwa emkaam donhi wow bood ya ki kyndon yada COVID-19. Heiyatoh wa ki yalang wa heh wa ki yalang paidbah wa ki bia; da chah wow pynman deiwa yoh bor chwa na ki DC lane ki SDO (Civil) wei hadooh katwon ngut u chah bru leh daw rai da ki DC/SDO (C) wei ini kynthup lang hawa pynman ya ki lai paidbah.
Ha ki Bar, Restaurant waki Cinema Hall u chah du ya kitu kiwa da dep yoh tika waroh arsien.
Daw pteiñ u pynkrehkaam ya ka Odd/Even neibynta ki kari ha Shillong.
Kini waroh u krehkaam ki nadooh ka 11 tarik uni u bnai.
