Pynkylla pyrtuid ka PSU cha ka HSU yow pynyaar ya u pood chakri yong ka

Jowai : Ka seiñ Pnar Student Union (PSU) Seiñ Bei kawa da seiñ la kamwa chisnem tam kattu da chim ko ya ka rai wow pynkylla pyrtuid noh ya ka seiñ.

Ya kani ka rai da chim hadien wa dep pynman yalang ka seiñ hei emlang ki wa krehkaam ka seiñ wa kiwa e buit ya ka, da pynkylla noh yei pyrtuid cha ka Hynñiewtrep Student Union (HSU).

Da ong wa ki daw wa leh yeini toh wa ka seiñ kwah ko u krehkaam ha waroh ka bri u Ynñiawtrep wa boon ki kaam (issue) wa kiwa yalam ka seiñ kwah koi u yaleh neibynta ka jaitbru.

U President ka seiñ u K. Rymbai ong u “Oo sñiaw emkaam hadooh kattæ kattæ wow pynyaar chooh chooh wow chakri ym du hapoh Ri-Loom Jaiñtia kamjooh leh waroh ki paaid ka bri u Ynñiawtrep, hajrong ini ka yurim da kylla noh i ya ka Pnar Student Union (PSU) cha ka Hynñiewtrep Student Union (HSU)”.