Pynkylla pyrtuid u Trump ya ka Lake Ontario kam ka Lake America, chrai ka Canada

U President ka USA, u Donald Trump ynnin da pynkylla pyrtuid u ya ka Lake Ontario kawa em ha khappood ka America wa Canada kam ka “Lake America” wei ini da pynchrai bha i ya ki paidbah ka Canada.

U Trump da soi u ya ka Executive Order heiwa da phah ya ki chnat ka sorkar wow pynkylla noh yei pyrtuid yong kani ka nan.

Ini i thmu dapoi i hei pyrkhat u Trump ha kini ki sngi hadien wa chrai u ya ka Canada deiwa ong wa toh kiwa sih bha ki bru wei kiwa lehbeiñ bha ya ka USA kamtæ da rai u leh wow booh ya ka dan wa 50% ha ki mar wa wan na Canada.

Chooh chooh da pynbna u ha u 2025 ha White House wow pynman ya ka Canada kam ka jylla wa 51 ka USA.

Related posts

Pynkut uwa lait puræ IIT Bombay yei mynsien hadien wa chem wa leh thok u heipor wa thoh Exam

September 19, 2026

Pynhiar tput u diah deiwa pam hadooh wa yap ya uwa pynyap ya ka payu

September 19, 2026

Kam wow kdaw heini, ha ka 20 tarik u January uni snem, u Trump da soi u ya ka Executive Order 14172 wow pynkylla yei pyrtuid ka Gulf of Mexico kam ka Gulf of America.

Hadien wa pynkylla pyrtuid ya ka Lake Ontario, da ong u wa ye leh wow pynkylla pyrtuid wot ya ki duriaw bah kam ka Atlantic Ocean wa Pacific Ocean.