Uwa yahkhmat ka Liang Pyrchah, u Dr. Mukul Sangma da pynsñiaw u yei wym sñiawsuk wei chrai deiwa takor deiwa eh ya ka sorkar neidaw wym em yoh wow yatai hajrong ka Foreign Contribution Regulation Act (FCRA) hapoh ka yung dorbar kawa da kut noh ynnin ka sngi.
Hawa klam hadien wa pynkut noh ya ka dorbar, u Dr. Mukul da ong u wa lada ka sorkar ym pdiang ko yeiwa wanrah ki dkhot ka liang pyrchah ya ka mat FCRA, neilang ka sorkar toh u wanrah hi ko da ka rai.
Ka Autumn Session kawa san sngi toh kawa da kut noh ynnin ka sngi.
Da ong u wa ka sorkar toh u wanrah ko da ka rai hajrong ka FCRA ha ka dorbar kawa daw man won khnang wa iwa sñiawkhia wa i sñawktah ki paidbah ka Meghalaya daw yoh u psiah ha ka rynsan ka yung wa emburom katkam ka riti synchaar ka ri iwa toh u leh hapoh ka yung dorbar.
Kam wow pynkynmoo wa ka sorkar India da phah ko ya ka FCRA cha ka Joint Parliamentary Committee ka Parliament yow bichaar bniah biang hadien wa da mih i pyrchah joor na ki seiñ saiñ pyrthai waphær waphær ha ka ri khamtam na ki walang ñiam Christan, kiwa da tieñ wa iwa pynkylla ya kani ka aiñ toh deiwa thmu wow ksih sbak ya ki laad yarap kiwa wan na baar ri wei khamtam deiwa thap ya ka kyndon wow knieh noh ka sorkar ya ka spah ka phaw yong ki Balang lada tyngkheiñ ya ki kyndon.
Discussion about this post