U Montri Rangbah ka jylla, u Conrad K Sangma ynne da ong u wa i ktien, khana i ya ka jaitbru wei ymye wow kheiñ hadooh katwon khia i ktien i thylliej wa klam ki bru, wei ya ini da ong u ha ka 61st Annual Conference of the Bodo Sahitya Sabha ha Tamulpur, Assam.
Da yaroh u ya ka Bodo Sahitya Sabha (BSS), deiwa ong wa yoh mynsien u yoo wa ki Bodo da ye ki wow pynkhlan ya ka ktien yong ki.
Ha kani ka sngi da emlang leh u President ka India, u Ram Nath Kovind, u Montri Rangbah ka Assam, u Himanta Biswa Sarma, u Montri Rangbah ka Sikkim, u Prem Singh Tamang wa kiwi de.
U Conrad da pynkynmoo u leh ya u President ka India wow kynthup ya ka ktien Khasi wa Garo ha ka Eight Schedule deiwa ban joor leh wow kynthup ya kiwi ki ktien ha ka riti synchaar ka ri.
Da khana u leh yei yajan i ktien Garo wa Bodo deiwa kyntu leh ya u President ka ri wow kyrchaan yei angnood ki paidbah ka thaaiñ Northeast wow thap lang ya waroh ki jait ktien yong ki hapoh ka 8th Schedule yow yada ya ka ktien kamjooh yei rukom man yong ki.
