Ka Border Security Force (BSF) ynne da pynlait paidbah ko ya ki Video na ka Operation Sindoor, wa pynyoo wa dat Bomb ya ki ktem wa ki thaw mih ki Terrorist na khappood ka Pakistan wei da yoo leh ya ki chipai Pakistan Ranger wa yut ki.
Ha i Video da yoo ya ki thaw rieh ki Terrorist wa em 2.2 Km hapoh Pakistan wei kammon da siat tympra ya ki thaw chong ki chipai Pakistan.
Neiliang u Inspector General ka BSF, Jammu Frontier, u Shashank Anand da ong u wa da tympra phrai ya ki thaw rieh kiwa choon kam ka tput ya iwa jia ha Pahalgam wei da ye u khang ya i psiah tooh ki Terrorist na International Border wa na Line of Control.
Da ong u wa ki chipai Pakistan Rangers da randien ki na ki thaw wa haphrang wa jooh em ki nadooh wa jia ha Pahalgam, katwa ki chipai BSF chynrang wa kynthai da neh skem ki hei thaw wa jooh em ki.
Chooh chooh da ong u wa ki BSF da pynjoor ki wow dat ya ki thaw ki chipai wa ki Terrorist ha Pakistan nadooh ka 8 tarik heiwa da ye u tympiah phrai ya ka thaw rieh ki Terrorist ka Lashkar-e-Toiba ha Looni ha i miet ka 9 wa 10 tarik. Da ye leh u dat ya ki thaw ha Mastpur marpyrchah ka RS Pura Sector wa kiwi kiwi.
Da pyntip u leh wa heipor wa siat ka Pakistan ya ki thaw wa em ka BSF, da dooh yei mynsien ki BSF wa kynthup ya u Sub-Inspector Mohammad Imtiyaz, u Constable Deepak Kumar wa u chipai ka Indian Army, u Naik Sunil Kumar. Da tyrwa leh wow pynkylla pyrtuid ya ki ar tylli ki BSF Post hei pyrtuid kini kiwa da khlaad wei ya kawi won ka Post wow e pyrtuid noh ‘Sindoor’.
Discussion about this post