U khlieh dooh ka NPP uwa man leh u Chief Minister ka jylla, u Conrad K Sangma ynne da ong u wa i krehlang ka Trinamool Congress (TMC) wa ka National People’s Party (NPP) hapoh Garo Hills Autonomous District Council (GHADC) phah i ya ka Wyrta wa khor heiwa wot ki seiñ saiñhima waphær ye ki wow kreh neibynta i bha i miat ki paidbah.
Hawa kylli lada i kreh wa ka TMC daw neh slem, u Conrad da ong u wa katkam wa man katni da sñiawkmen u wow yoo wa da booh charood yei yaphær Party ki MDC heiwa ki MDC ka TMC wa ki kyrtong samen da kreh ki chirup yei hok ki paidbah ka jaitbru Garo.
U Conrad da pynrap u wa man iwa bha wei ka Wyrta cha ki paidbah ka Garo Hills wa manda poi i por nadooh ki paidbah, ki seiñ wa kiwa yahkhmat pait ki yeiwa bha tam wei man i ka nongmuna wa miat tam.
U Conrad da yaroh u ya ki MDC ka TMC kamjooh ki MDC wa samen wa kyrchaan ki wow pynkylla ya ka aiñ AD Rules, heiwa waroh ki kyrtong emkaam ki u em ya ka Scheduled Tribe Certificate.
Heijooh i por da ong u wa i pynkylla AD Rules wan i heipor wa pynyinsur ya ka samoi krehkaam ka GHADC da 6 bnai.
Discussion about this post