Pynlait ka PDF ya ka thup wa ar ki kyrtong MDC na JHADC wa KHADC

Shillong: Ka People’s Democratic Front (PDF) ynne ka sngi da pynlait ko ya ka thup wa ar yong ki kyrtong wow yakhun MDC na ka Khasi Hills Autonomous District Council (KHADC) wa Jaiñtia Hills Autonomous District Council (JHADC) ka wow man ha 27 Thohlakhmi.

Hadien ka yalang ka Central Election Committee (CEC) ka PDF ha yung krehkaam yong ka kawa em ha Nongrim Hills, u Ivanlumlang Marbaniang, Chaiman ka CEC uwa man leh u President ka Party, da pynsñiaw u wa ka thup wa ar kynthup em ko leh ya ki san ngut ki kyrtong ki wow yakhun MDC na JHADC.

Ka thup ynne ka sngi wow yakhun na KHADC kynthup ki ya u Witness Day Sancley na Jirang, u Joseph J. Makdoh na Mawhati, u Adrian L.Chyne na Sohra wa ka Teilinia S. Thangkhiew na Mylliem.

Na JHADC won da pynbna ya i pyrtuid u Lom Nongrum na Mukhla Wahjajer, u Dapoiwanmi Laloo na Central Jowai, u Helping Phawa na Tuber, u Bisharbha Pala na Sutnga Nongkhlieh wa u Albinus Lamurong na Sumer.