U Montri Rangbah ka jylla, u Conrad K Sangma ynne da pynlait paidbah u ya ki kari kit jhep wa tip kam ki Waste Collection e-Vehicles neibynta ka East Jaiñtia Hills, Eastern West Khasi Hills, East Khasi Hills wa West Jaiñtia Hills hapoh ka Swach Bharat Mission (Grameen).
U Conrad hawa e yei klam da ong u wa hapoh 9 bnai da ku na 10% cha 84.33% i biang ki paikhana deiwa kreh chitom ka sorkar wei i pynlait ya kini ki kari man ko kam chibynta ka thong wow wanrah yei khooid i jngiar deiwa ya krehlang kiwa chong chnong.
Da pyntip u leh wa daw jied chi sngi man ka soo bnai ha waroh ki District, ki Block wa ki chnong yow pynkhooid chnong.
Neiliang u Montri ka chnat PHE, u Marcuise N Marak da khana u wa kini ki Waste e-Vehicle toh ka thong ka sorkar yow pynman yaka Meghalaya kawa khooid wa suba wei da ong u wa ha u snem 2024-2025 waroh 100% ki chnong u biang paikhana ki deiwa booh 1,10,240 ki paikhana ha waroh ki manyung wei na kini da booh bhah 1553 tylli cha kiwa yoh ymntoi hapoh ka PMAY, u chna 570 tylli ki Community Sanitary Complex Unit, 18 tylli ki Fecal Sludge Management neitæ ki Govardhan Unit wa ki Plastic Waste Management Unit ha kylleiñ ka jylla.
Kini ki kari wa pynemkaam da ka bordiñ wa da pynlait ynne toh kiwa ye u kit 506 Kg, kiwa ye u lai 100 Km i jngai deiwa dap ka Battery wei yow dap i Battery chimpor 4 kynta u Charge.
Waroh da em 207 tylli kiwa da e kti cha kiwa boon ki Block ka Khasi wa Jaiñtia Hills District wei ya kam kini ki jooh daw e leh cha Garo Hills.
Discussion about this post