Pynlait ka sorkar Rs. 79.5 klur cha ka GHADC | Ym pu em e jubab ka KHADC wa JHADC yei tyrwa su tulop ka sorkar

Ka sorkar jylla da pynlait ko hadooh Rs.79.5 klur cha ka Garo Hills Autonomous District Council (GHADC) neibynta u su ya ka tulop yong kiwa kreh ka Council kawa da sah kattu da palat 3 snem.

Hawa pyntip yeini, u Montri Rangbah ka jylla, u Conrad K Sangma da ong u wa kani ka Rs.79.5 klur wa da e cha ka GHADC, Rs.11 klur toh ka bhah wa ka GHADC toh u yoh ko na ka sorkar, katwa ka Rs.68.5 klur won man ko kam ka Advance ya kawa daw khate na ka bhah dan wa ka GHADC daw yoh ko ha ki por wow wan.

Hawa kylli, u Conrad da ong u wa ka KHADC wa JHADC hadooh kattæ ym pu em e jubab ki iyi iyi hajrong i tyrwa yong ka sorkar wow su noh da ka ya ka tulop kiwa kreh.

Related posts

Dawa ka PSM na u DC ka West Jaiñtia Hills wym toh u chim bai luti ha ka Toll Plaza neibynta ki kari ML04

January 12, 2026

Dawa ka HYC wow su ya ka tulop ki Contractual Nurse wa sahteiñ nadooh u Naichiphaw 

January 12, 2026

Da pyntip u leh wa ki kyndon wa ka sorkar da booh ko toh kawi donhi hawa e ya ka poisa cha ka GHADC, itæ wow em u Principal Secretary u wow pait ya ka poisa wa toh u man bait ko neibynta wow su tulop.

Da khana u leh wa hadooh kattæ i yaklam wa ka KHADC kamjooh ka KHADC dang lai ko wei ka sorkar ym em pynbor ya kini ar ADC.