Pynlait ki chipai BSF ya ki 10 ngut ki Bangladeshi kiwa kylla lieñ

Nei syndong wei husiar ki chipaj ka 71 Battalion BSF, Malda Sector da pynlait ki ya ki 10 ngut ki Bangladeshi wa kynthup ya 3 ngut ki khynnah, 3 ngut ki kynthai wa 4 ngut ki chynrang nei ngam um hadien wa kylla ka lieñ wa chong ki ha ka wah Ganga wa tip leh kam kam wah Padma. Kini kiwa da yoh u pynlait kynthup ki ya i khonboo wa dang 30 sngi iwa da mynsoo wei da kit noh cha Hospital.

Ini da jia i ynnin ka sngi katwa ki chipai ka BSF wa em ha Border Out Post Khandua da yoo ki yei yakhun ya ka um wei mar sñiawthooh yeiwa jia da lai ki wut-wut wow pynlait ya ki 10 ngut.

Hadien i yakhun wa joor da ye u pynlait ya ki 10 ngut.

Related posts

Pynbna ka DMHO ya ka tarik wei thaw pynman Written Exam neibynta kiwa yaleh kreh Staff Nurse ha Jowai

October 5, 2026

Pynkylla ka sorkar ya ki ar tylli ki sngi chuti uni u bnai

October 5, 2026

Kini ki 10 ngut da pyntip ki wa toh kiwa chong wa sah ha chnong Joharpur, Bangladesh wei dang lai luti ki na Chapai Nawabganj cha Joharpur wei heipor wa kaap ya ka wah Padma da kylla ka lieñ ki wei nei khlan ka um da rah ka ki cha liang India.

Ki BSF da e kti noh ki ya ki 10 ngut cha ki chipai ka 53 Border Guard Bangladesh (BGB) hadien wa leh yeiwa emkaam.