theme-sticky-logo-alt
theme-logo-alt
Advertisement ad1

Pynlait paidbah u Kyrmen Shylla ya ka Music Video “Iaphi Nga Ieid”

Advertisement ad1

Ka Music Video wada e pyrtuid “Iaphi Nga Ieid” da pynlait paidbah ya ka ha ka 26 tarik uni u bnai haka YouTube Channel yong ka “Calm Entertainment Production” da u Montri ka chnat Social Welfare, u Kyrmen Shylla hei emlang u Lahkmen Rymbui, Montri ka chnat puræ puthi, ki tynchop puron, kiwa chah khut sñiawbha wa kiwi haka yalang tbian wada pynman ha Nongtalang Hall Khla Chympa, West Jaiñtia Hills.

Ya kani ka Music Video da ak da u Pyrkhat Pohchen waka Lari K. Kharai.

U Michael Myrchiang kam uwa chna phlim pynmih phlim wa nyngkong hapoh ka thaaiñ War Jaiñtia ong u lyngba ka sap wa em ha oo kwah u wow pynyoo chaka pyrthai haki Music Video kamjooh ki phlim yei miat ki soodong sookun ka thaiñ War Jaiñtia, heijooh i por leh yow pynku yei sap wa em haki khon khynroo khyllood.

Tangwa wow leh yeini ymtoh iwa suk hap pynlut yei por hei wow chong pyrkhat u thoh wei pynwandur yei sur. Kamtæ kyntu u ya ki paidbah wymtoh u chim tooh tangwa u ñiawkor yei kreh chitom kiwi.

Neiliang u Kyrmen Shylla wa u Lahkmen Rymbui hei klam yong ki da e yaroh ki ya u Michael Myrchiang wa lyngba i kreh chitom wei em u ka sap hei kaam thoh næ chna pynwandur yaki phlim da ye u synniang chaka imlang sahlang ka thaaiñ War, najrong wa da pynyoo haroh u ki nongmuna waphær lyngba ka sap wa em u.

U Lahkmen Rymbui pyntip haroh u wa ka sorkar da pynmih ko chiboon ki Scheme ki laad wow e yarap yaka imlang sahlang, wei dang ini wa dep leh da pynmih ko ki laad e sikai waphær waphær ya ki khon khynroo khyllood yow pynpliah ha jar jiar i sap wa em ki khnang yow ye ki u yieñ hei yong ki i kjat.

Pynrap haroh u deiwa ong kamwa u bru em u jar i sap jar i buit, wei yow pynmih pyrthai yeitæ emkaam ya ka rynsan yow pynpoor yutip ha kylleiñ, kamtæ neiliang ka sorkar da tipmit ko leh ya kiwa chna phlim wa pynmih phlim wa kiwi de kiwa kreh deiwa yieñ hei yong ki hi ki kjat.

U Kyrmen Shylla won ong u, waroh i kaam wa leh ha pyrthai wym lait hi nei chah woh ñia, i chah beiñ chah roh, tangwa wymtoh u sñiawphær yeitæ emkaam u man kiwa pynkhreh u jubab.

Heijooh i por leh kyntu u wow chim yei chah beiñ chah pynbaad kam ka laad wow ye chooh chooh u pynpliah ne lai chakhmat.

Advertisement ad1
Share this:
Previous

Shillong Premier League 2021-22: Mar ar kool hapyrdi ka Nangkiew Irat waka Ryntih

Next

I khynra ya ka Farm House u Bernard toh katkam ka aiñ: Conrad