theme-sticky-logo-alt
theme-logo-alt
Advertisement ad1

I khynra ya ka Farm House u Bernard toh katkam ka aiñ: Conrad

Advertisement ad1

U Montri Rangbah ka jylla u Conrad K Sangma da ong u wa i khynra ya ka Farm House yong u MDC uwa man leh u Vice President ka BJP, u Bernard N Marak da leh katkam ka aiñ, khlem da chah tuklar na oo kam u Montri Rangbah kammon wow leh.

Hajrong i khynra yei thaw u Bernard, u Conrad da ong u wa da pyntip donhi cha oo wa em ini i khynra heiwa da klam che u ya iyi wa toh u leh wei toh u leh katkam ka aiñ deilang wa ki sakhi satar. Da ong u wa ym em tuklar u kammon kammon leh hajrong itai i kaam yong ki pulit. Da ong u wa ym em pynmih u leh ya ka hukum wow siat yap ya u Bernard kamwa da pynbaad.

Da ong u wa i khynra ya katai ka thaw kawa da tip kam ka Rimpu Bagan ha Edenbari toh hadien ka ujor wa da yoh na kiwa boon wa kynthup na kiwa chong chnong wa ki seiñbhalang, wei i khynra toh hadien wa ki pulit da rap slem da yoh ki ya ka ujor na ki bru kiwa da chah slaitbor boonsien ha katai ka thaw, heiwa ki pulit leh da chim ki yei por hadooh wa da biang ki sabut wow leh ya iwa emkaam, deiwa pynrap wa i pynbaad toh du neibynta ka Election toh iwa bakla.

Hawa kylli, u Conrad uwa man leh u President ka NPP da ong u wa iyi wa da chem na katai ka thaw da pynyoo che ko wa em iyi iyi wa leh pyrchah aiñ ha katai ka thaw wei ym em iyi iyi wa yatoh wa ka Politics.

Hawa kylli chooh chooh, u Montri Rangbah da khana u leh wa u DGP da pyntip wa da kem ya u Bernard N Marak na Uttar Pradesh ynne i janmiet, wei daw wan yah ya oo cha Tura.

Advertisement ad1
Share this:
Previous

Pynlait paidbah u Kyrmen Shylla ya ka Music Video “Iaphi Nga Ieid”

Next

Lada kwah ka AITC wow pyndam ya ka soskular pynbait pood pynyoo wa da bakla ka Report wa da pynkhreh da ki hi: Conrad