U Ebormi Rangad uwa man kam uwa sikai skur ha Jowai Government U.P. School, Jowai da pynlait u yaka kot wa da thoh u kawa pyrtuid “Jingsuk hapdeng ki jingeh-Ka jingiaid lynti u Rusti”.
Ya kani ka kot da pynlait paidbah ynnin ka 30 tarik haka yalang wa pynman ha yung sah u Ebormi Rangad wa em ha Khliehtyrshi deiwa emlang kiwa ha-yung ha-sem, ki lok ki jor.
Da wan wow pynlait paidbah ya kani ka kot da u Rev. A. P. Syiem hei emlang u C.H. Passah kam u President ka Jaintia Journalist Association.
U Rev. Syiem da e u yei kyntien khyrkhu kyrdoh kamjooh i duwai kyrpang wei i kyntien pynchlur deiwa yaroh u yei pynemkaam hok u Ebormi yei sap wa kyrpang wa em wei da yooluti u wa lyngba kani kot wa da pynlait u man ko i myntoi ya kiwa puræ kamjooh leh u yoh ki u maad yei suk iwa sakhiat kam i pyrtuid wa da e ya kani ka kot.
U Ebormi kam uwa thoh kot da khana u wa kani ka kot lakdop hanla man ko i sien wa nyngkong yooluti u wow wanrah ko yei myntoi wa khroo yaka imlang sahlang.
Discussion about this post