U Prime Minister, Narendra Modi ynne ka sngi da pynlait u ya ka bhah wa nyngkong namo ka 1st Instalment ka PMAY-G cha 1.47 lak ngut kiwa yoh myntoi ka Tripura. Heiwa ya ka poisa wa da pynlait da em ko palat T. 700 klur kawa da phah cha ki Bank Account kiwa yoh myntoi.
Kani ka Scheme toh kawa yarap poisa yoh chna yung da kiwa pura ya kiwa dooh wa duk wa em ha ki chnong wa cha palatsor.
Deiwa booddien u Modi, da pynkylla leh ya kam kiwon ki jait yung wa kheiñ kiwa toh u yoh yarap poisa iwa da pynman leh wow boon kiwa yoh myntoi yow pynchna ya ki yung wa da sih ‘Kutcha’ cha ki yung wa pura ‘Pucca’.
U Modi da yaklam u leh wa kiwa yoh myntoi kiwa da khana ya oo wa hadooh katwon da angnood ki wow yoh yei yung wa paka yow yoh yei yada na u slap ka la-ær deiwa yaroh leh ya kani ka sorkar deiwa ong toh kawa pait yei bha i miat ki bru wa dooh wa ki jaitbru ri-loom.
U Modi da kyntu u leh wow pynemkaam hok ya ka poisa wa yoh yarap deiwa pynemkaam du hei wow chna yung wei ym toh cha kiwi ki jait kaam neibhah i thmu ka sorkar toh yow pynwiar ya ki bru kiwa ksoh ya ka poisa chwa wow poi ko cha kiwa yoh myntoi kamtæ da phah bait ya ka poisa cha ki Bank Account ki bru.
U Modi da ong u leh wa ynne ka sngi toh ka sngi kawa man kam i dak wow sdang ki sngi wa bha wa i kyrmen ya ka Tripura.
