Pynlait smat ka sorkar ya ka tulop, ka Pension, ka bhah ki District Council deilang ki Bill ki Contractor

Ka Finance Department ka sorkar Meghalaya da pyntip ko wa da pynlait tulop smat ko chi bnai (Advance Payment) yow yoh myntoi kamwa Rs. 50,000 ngut kiwa kreh sorkar wa palat 30,000 ngut kiwa da lai Pension kam chibynta wow yarap ya ki ha kani ka samoi lehkmen.

Najrong kini da pynlait leh ya ka Advance Payment cha kiwa kreh kam ki Casual wa Contractual ha kylleiñ ka jylla.

Ka tulop dapoi ko hadooh Rs. 348 klur, ka Pension Rs. 93.4 klur, ka nong sngi Rs. 9.7 klur katwa yong kiwa kreh Contractual won Rs. 4.1 klur.

Najrong ini da pynlait leh ka poisa kawa Rs. 255.5 klur neibynta uni u snem mang tangka cha ki le tylli ki District Council yow yarap su ya ka tulop wa dang sah.

Da pynlait leh ya ka Bill ki Contractor neibynta ki 53 tylli ki kreh waheh (Major Works) kawa dapoi Rs. 416.1 klur wa neibynta ki 57 tylli ki kreh khian (Minor Works) kawa dapoi Rs. 154.7 klur iwa waroh dapoi Rs. 596.7 klur.

Kini ki kreh toh kiwa haap hapoh ki 12 tylli ki chnat sorkar:

Public Works- Rs. 256.4 klur

Urban Affairs Department- Rs. 102.5 klur

Public Health Engineering- Rs. 68.6 klur

Sports & Youth Affairs- Rs. 60.0 klur

Power- Rs. 60.0 klur

Health & Family Welfare- Rs. 14.0 klur

Parliamentary Affairs- Rs. 12.0 klur

Water Resource- Rs. 8.2 klur

Tourism Department- Rs. 7.9 klur

Housing- Rs. 3.2 klur

Transport Department- Rs. 2.5 klur

Agriculture & Farmers Welfare- Rs. 1.3 klur

Da pynlait poisa leh cha 11 tylli ki chnat sorkar kam ka C&RD, DCA, Planning, Health & Family Welfare wa kiwi de kawa dapoi Rs. 664.1 klur neibynta u December Financial Year 2026.

Community And Rural Development- Rs. 102.9 klur

Power- Rs. 101.2 klur

District Council Affairs- Rs. 101.0 klur

Planning- Rs.80.9 klur

Agriculture & Farmers Welfare- Rs.69.5 klur

Health & Family Welfare- Rs.62.2 klur

Finance (Economic Affairs)- Rs.58.4 klur

Education & Human Resources- Rs.35.0 klur

Home (Police)- Rs.29.5 klur

Sports & Youth Affairs- Rs.12.6 klur

Animal Husbandry and Veterinary- Rs. 10.8 klur

Kiwi de kiwa da pynlait poisa toh neibynta ki State Scheme heiwa Rs. 23 klur da pynlait cha 92,051 ngut kiwa yoh myntoi hapoh ka Focus+ lyngba ka Direct Benefit Transfer (DBT).

Waroh kini wa da pynlait ka sorkar dapoi i Rs. 1602.9 klur neibynta u mang tangka December 2026 napoh ka State Resources iwa da ku da 30.8% hawa nujor wa i jooh i por yong u snem wa dep heiwa ha u December Financial Year 2025 da pynlait Rs. 1225.2 klur.