U Montri Rangbah ka jylla, u Conrad K Sangma da pynlait u ya ynru tylli ki Specialized Mobile Vaccination Units ha Tura Civil Hospital ynne i step hei emlang u Extra Assistant Commissioner, West Garo Hills, Dolrich B G Momin, Chairman Tura Municipal Board, J D Sangma, District Medical & Health Officer, West Garo Hills Tura Dr. Marwin R Sangma, District Maternal Child Health Officer, Tura Dr. Ivonne M Sangma wa kiwi kiwi.
Kam wow pynkynmoo heini, ka sorkar jylla da krehlang ko wa ka US Agency for International Development (USAID) wow sdang ya ka Mobile Vaccination wow lai e tika cha ki chnong wa jngai.
Heiyatoh wow poi cha ki chnong wa em cha jngai, ki Mobile Vaccination Unit u kreh ki chirup wa ka GiveIndia, Crypto Relief, USAID, BCG, Vaccine on Wheels heiwa da sdang ya ki Mobile Vaccination Clinics ha West Garo Hills wa ha East Khasi Hills.
Ya kini ki Unit daw synraan da ki Doctor wa ki Nurse hawa lai ki cha ki chnong wow e tika cha waroh ki bru khamtam ya kiwa kreh haphrang wa kiwa da em palat 60 snem i rta.
