Pynlait u Lahkmen ya ka kari kit khynnah skur deilang ka kari kit jhep wa ki Work Order

U Montri ka chnat Puræ Puthi uwa man leh kam u MLA ka Amlarem Constituency, u Lahkmen Rymbui ha ka 14 tarik uni u bnai da lai hiar u cha ka chnong Kyrweng yow e kti ya ka kari kit khynnah skur na Kyrweng cha Muktapur yow pynskuk yei lai i wan khamtam heipor slap.

U Lahkmen hawa e yei klam da kyntu u ya kiwa chong chnong wym toh u pynemkaam bakla ya kani ka kari wei wow syndong ka neibynta i myntoi ki khynnah skur.

Da saam u leh ya ki Work Order wa ₹5 lak yow chna ya ki kamra skur wa thymme ka Kyrweng LP School wei da e u leh sa ₹1 lak neibynta u chna ya ka paikhana ka skur.

Neibynta ka chnong Sankhat won da saam u ya ka Work Order kawa chongdor ₹5 lak yow pynchna ya u sarok chnong wa ₹2 lak won yow chna ya ka Community Hall.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na u Sniawbhalang Dhar

October 25, 2026

Hadien won da pynlait u ya ka kari Maruti Super Carry cha ka chnong Khonglah neibynta wow kit jhep.

Kini waroh da pynlait hapoh ka SRWP 2025-26.