Jowai: Ki bor pait bor pynlai ka District Association yong ka Bharat Scouts & Guides, East Jaintia Hills District ha kani ka sngi Musiang wa ka Muchai yong ka 4 tarik wa ka 5 tarik Kmaichonglad chibynta wow e sikai ya ki khynnah Scouts, Guides na ki skur waphær heiyatoh wa ki bynta yong ka Scouts, Guides Movement dachimkhia ki wow pynman ya ka 3rd Winter Camp ha chnong Lumshyrmit.
Ya kani ka Winter Camp da pynman hei kitkhia ki yahkhmat ka District Association wa kynthup ya u Phervision Nongtdu, Vice-President, MBS&G East Jaintia Hills District, ka Perina Dkhar, District Secretary MBS&G, East Jaintia Hills District, u Salanbor Kamar, District Organiser Scouts wa ka Eusivia Dkhar, District Organiser Guides.
Ha kani ka 3rd Winter Camp dawan yachimbynta da ki 80 ngut ki khynnah Scouts-Guides wa 15 ngut ki Unit Leader na ki 10 tylli ki thaw puræ yong ka East Jaiñtia Hills District kiwa kynthup ya ka Jaiñtia Eastern College, Lumjingshai Sec. School Tluh, Sutnga Govt. U.P. School, Khatsoo Ripnar Sec. School, Lumshyrmit Niamtre LPS, Lumshyrmit Niamtre UPS, Lumshyrmit Mission LPS, Lumshyrmit Govt. LPS, Rymbai Presbyterian Sec. School wa ka Little Star Sec. School, Lad Rymbai.
Ya kani ka Winter Camp dawan wow wai da u W. Lyngdoh, Jt. State Secretary MBS&G, Shillong kam u kongsan wa ka W. Tariang, State Training Commissioner Guides kam ka symbood kongsan hei emlang ka P. Dkhar, District Secretary MBS&G East Jaintia Hills District wa u E.Shangpliang, District Commissioner, MBS&G, East Jaintia Hills District.
Discussion about this post