Pynman ka ABVP Meghalaya yei lehkmen dap 75 ka seiñ

Ka Akhil Bharatiya Vidyarthi Parishad, Meghalaya ynnin ka 1 tarik da pynman ko ya ka yalang Amrit Mahotsav kam chibynta wow lehkmen yei dap 75 snem ka ABVP hapoh ka ri.

Ya kani ka yalang Amrit Mahotsav da pynman ha waroh ki jylla ka ri India yow kynmoo tympang yei lai luti ka ABVP yow e laad leh ya waroh ki dkhot kamjooh ki dkhot warim yow lehkmen yeini yow pynskem yei yoh ya ka puræ puthi wa biang, wow chna u tei ya ka ri wei wow pait yei bha i miat kiwa lai puræ.

Ha kani ka sngi da emlang palat 100 ngut ki dkhot wa da chimbynta wei da pynkup burom leh ya ki dkhot warim kiwa seiñdur ya ka seiñ hapoh Meghalaya, wei kini kiwa yahkhmat yow sdang u seiñ ya ka ABVP ha Meghalaya toh ka (L) Sitimon sawain heiwa da wan wow pdiang da kiwa ha-yung yong ka.

U kongsan ha kani ka sngi toh u B.K. Dey Sawian, DGP warim ka Meghalaya uwa da klam chaphang kitu ki dkhot wa seiñ ya ka ABVP yei kreh chitom ki wa waroh iwa eh wa da hap ki wow maad. Da pynchlur u ya ki dkhot wa katni wow yoh mynsien ki na kiwa nachwa.

Related posts

Ka sorkar ymtoh kawa ye hi-eh ka KSP wow maham: Sniawbhalang

December 21, 2024

Da u waheh chnong uwa man leh uwa yahkhmat seiñbalang sai kyrtong MDC ka Namdong

December 21, 2024

Ha kani ka sngi da emlang leh u Professor Milind Marathe, u National President warim ka ABVP uwa man katni kam u Chairman ka National Book Trust uwa da yaroh yei miat wei mahajon ka riti dustur ha Meghalaya. Da ong u wa ha Meghalaya ya ki kynthai da khut kam ki Kong iwa sariem hei ktien Marathi wa ong Tai iwa mut ka payu kynthai kawa pait ya ki diah.

Da klam u leh chaphang ki 5 tylli ki yurim ka ABVP kiwa ong wa ki kaam wa leh i toh u man ki kam chibynta wow tei ya ka ri wei da kynmoo burom u leh ya kitu kiwa sdang ya ka ABVP ha Meghalaya.  

Ka dkhot warim, ka Dremshibun Kharkongor kawa man kam ka SEIL Delegate ha u snem 1970 da chah pynkup burom ko ha kani ka sngi wei da khana ko wa kammon da sdang ya ka ABVP deiwa yoh yarap na u PB Acharya deiwa khana leh ya iwa boon i eh wa da hap ki wow maad ha ki 50 snem wa da lai.

Da emlang leh ha kani ka sngi wa u Chanlok Dkhar, u dkhot warim na Jaiñtia Hills uwa da khana wa da psiah u cha ka ABVP heipor wa lai College u wei da pynsñiaw u yei sñiawngooh ya ka Dremshibun Kharkongor kawa jooh man kam kawa sikai ya oo ha skur wa ha College kawa da pynchlur ya oo wow kreh u neibynta ka ri. 

Yei pynkup burom ya ki dkhot da leh da u Kamal K. Jhunjhunwala u dkhot warim ka ABVP uwa da e leh ya ki kyntien e mynsien wa ki kyntien pynchlur.