July 24, 2022
Advertisement
Ka Chankylliang Development Society (CDS) da pynman ko ya i pynsñiawthooh paidbah namo ka Village Level Awareness Camp wa ka Community Based Screening neibynta ka HIV/STI ha chnong Khliehriat West, heiwa da em ki khynnah skur, ki SHG, kiwa kreh MGNREGA wa kiwa chong chnong.
Ha kani ka sngi da emlang ka Rinibeth Patlong (Programme Manager) MCSWA-TI Khliehriat, kawa man kam ka bru chemphang, u District Medical Health Officer, (DMHO) EJHD Dr. Dominic Shylla, wa u Patrick uwa mihkhmat ya ka chnat Social Welfare.
Nyngkong da yoh i klam na pdiang burom ya ka Chankylliang Development Society (CKDS) wa em bynta lang ha kani ka programme.
Da pyllai ya ka yalang da u Kynsaibor kharkongor uwa man u District Resource Person (DRP) ka Link Worker scheme (LWS).
Ha kani ka sngi da yoh i batai hajrong u khñiang kjut HIV wa ka aiñ HIV/AIDS ACT 2017.
Hawa kut ka programme da em ka Screening heiwa da wan 28 chaphrang wow leh ya ka test khnang wow tip lada em ki ya u khñiang kjut.
Advertisement
