July 24, 2022
Advertisement
U Shitlang Pale uwa man u MLA yong ka 5 Sutnga-Saipung Constituency da khyrngiat wei sñiawphylla u wow yoo ya ki khubor thok wa da poor ha ki Social Media kawa da ong u Shitlang daw psiah BJP u.
Neiliang yong u Shitlang da khana u wa hadooh katni, ym pu em iwon iwon i yumut na oo wow lai psiah cha ka Party BJP wei wow yakhun ya ka Election 2023 na katai ka Party. Um tip leh neiwon mih khubor ha ki Social Media (Facebook) wow ong kam yeitai kiwa man pyrchah yei sñiaw yong u bru samen.
Neiliang yong u Shitlang Pale da pynche u deiwa ong, “Neiliang yong nga, ym embynta lane i yatoh wa ka Party BJP, tangwa kani ka khubor man ko du wow pynbood naam ya nga, wei toh leh i buit yong kiwon re kiwon kiwa kwah wow pynkulmar yumut ya kiwa kyrchaan yong nga ha kani ka Election 2023 wow wan”.
Kamtæ neiliang u Shitlang da kyntu u ya waroh kiwa kyrchaan yong oo na ka 5 Sutnga-Saipung wa ym toh u ap ki ya kam kini ki khubor hamsaya kiwa kwah wow pynsih dur yei long i man kiwa mihkhmat yong oo, tangwa lada kiwon kiwon kiwa kwah ki wow tip yei sakhiat ye ki wow kynjoh ktien bait du na oo hi.
Advertisement
