Ka Meghalaya People United Front (MPUF) Laskeiñ Block Circle hapoh i yahkhmat u General Secretary, u Peter Paul Sutnga wa u Vice President, u P. Suiam, u Publicity Secretary, u Hamwer Bhoi ynne da lai e yarap ki ya ka J. Iakai kawa da dooh nooh yei yung iwa da chah baam hei diñ ha i miet ka 17 tarik uni u bnai.
Neiliang ka seiñ da wan sñiawlem ko ya kani ka manyung wei da e yarap ko da ki tiar ki tar deilang ka poisa.
Neiliang u Secretary yong ka Laskein Block Circle hawa e i klam da booh u i duwai sñiawlem ya kani ka yung deiwa ong u leh wa kani toh ka mon yong u Blai wa da bynta wei i kam ki bru wym ye i u leh iwon iwon ya ka mon u Blai.
Da kitbok kitrwiang u leh ya kani ka yung ka sem yow yoh won ki dei chait neini chaphrang ka sngi, wei ka seiñ da kular ko leh wa lada emkaam ka yung iwon iwon i yarap ka seiñ smat ko u yarap kat i bor yong ka.
Puræ leh: Yap i khynnah wa 4 snem hadien wa iñ i yung ha Sahsniang
Discussion about this post