Pynman ka JSU Ummulong Unit ya ka Free Medical Health Camp

Ha ka 18 tarik uni u bnai, ka Jaiñtia Students’ Union (JSU) Ummulong Unit da pynman ko ya ka Free Medical Health Camp ha ka chnong Madur, West Jaiñtia Hills.

Ha katai ka sngi da emlang ki dkhot yong ka JSU Ummulong Unit wa ka Central Body chirup u waheh chnong, u Secretary chnong ka Madur deilang wa ki Doctor, ki Nurse ka Ummulong CHC kamjooh na ka yung krehkaam ka DMHO West Jaiñtia Hills.

Ha kani ka Health Camp da wan wow chimbynta da kiwa chong chnong ka Madur, Lumkhudung, Plongiñkhaw wei chwa u sdang i pait i sylli yei chait i khiah ki bru, da em ka yalang wa khian wa pynlai da u Nevercare Passah, Chief Organising Secretary ka seiñbei wei da yoh i klam na u Secretary chnong ka Madur wa na u Dr. P. Pakma, In-charge yong ka CHC Ummulong uwa da batai chaphang i chait i khiah deiwa ong wa emkaam wow syndong yow lait na ki kjut wa boon jait. 

Related posts

Dawa ka PSM na u DC wa u SP wow booh Infiltration Check Gate ha u sarok Jowai-Dawki wa joor psiah tooh ki Bangladeshi

September 22, 2026

Yap uwi wei mynsoo joor ka kurim hadien wa chah tyrrah ka Scooty ha ka Thar

September 22, 2026

Ha kani ka Health Camp da emlang ki Doctor khmat wa ki Doctor lamieñ.

Neiliang ka sieñ da e khublei ko ya ka yung krehkaam ka DMHO wa da pynbiang ki yei dawai wa kiwi de kiwa emkaam kamjooh ya ka Ummulong CHC nadooh ki Doctor ki Nurse wa kiwi de kiwa kreh kamjooh leh ya u Principal ka Green Hills Christian Academy Secondary School kamjooh ya kiwa chong chnong ka Madur deilang ka MCTODA wa kiwi kiwi de.