15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Pynman ka KKC ka SRJ ya ka yachemlang ki khon ki Soo Raij Soo Langdoh

0 Comments
Advertisement ad1
Advertisement ad1

Jowai: Wow wanrah yei yajooh yajan hapyrdi ki khon Khynroo Khyllood yong ki Soo Raij Soo Langdoh, chimkhia ka Khynroo Khllood Commiittee Seiñraij Jowai wow khut pynman ya ka sngi yachemlang wa kyrpang.

Ha kani ka sngi Thymblein 3 tarik u Naiynru ka Khynroo Khyllood Committee yong ka Seiñraij Jowai da khut-pynman ko i yachemlang wa kyrpang iong ki khon Khynroo Khyllood wa em hapoh ki Soo Raij-Soo Langdoh heiwa ya kani ka program da pynman ha Yungwalieh ka Loompyrdi Iongpiah hapyrdi i sakhilang ki manbei-manpa wa ki waheh wasian ka Seiñraij.

Advertisement ad1

Ya ka program kyrpang yong kani ka sngi yachemlang da phiah ha ki 2 bynta heiwa ka bynta wa nyngkong toh ka Seminar hajrong ka phang kyrpang wa ong “Nongrim u Siangtre yei kyrkhu u Makhane,” heiwa ki ar ngut ki bru stat bru chemphang yong kani ka janmiet toh u Dawmanchuh Lamar, Executive Member, Seiñraij wa u Wansalan E Dhar, member KKC.

U Ladwan Dkhar, Chairman KKC chwa wow poi ka bynta i klam i batai yong ki bru stat bru chemphang da yieñ u wow kdar luti dei kyntien pdiang burom wei wow pachat leh ki kyntien yahkhmat hajrong ka thong wa pynman ya kani ka program neitæ won da pynbood i ngoohblai ngooh syiem da u Wansa-O Dhar katwa ha ka bynta wakut u Sienmiki Lato, Secretary KKC yieñ u wow e ki kyntien khublei.

U Dawmanchuh hawa e ya ki kyntien hajrong kani ka phang kyrpang yong kani ka Seminar da khut, kyrsu kyntu u ya ki khon khynroo khyllood deiwa ong Siangtre yei rukom im ha ka yurim i tipbru tipblai wei tih tre yei tip niam tip rukom, tih deiwa ngam yillu yow skem phi hei longbru manbru. Da ong chooh chooh u leh ya ki khon khynroo khyllood wow kynmoo ka yurim kawa yieñ synjor ym neh rta ko katwa ka yurim kawa pynyieñ ha ka yurim wa yillu neh kylla rta ko.

U Wansalan won hawa pachat ya ki kyntien hajrong ka phang wa ong “Khynroo-Khyllood wa yoojngai, Chngaiñ ka pateiñ wadaw khai” da khut kyrsu u ya ki khon khynroo-khyllood dei wa ong,  to man ki khynroo-khyllood kiwa yoo jngai wei em ka thong wow man kiwa chba u kaap u lai ha ka luti wa paka, chooh chooh ong u leh ham man ki khynroo-khyllood kiwa chim u lai da ka luti wow wanrah yeitæ i sñiaw yapher hapyrdi kawi ka Raij wa kawi ka Raij.  Khaddooh chwa wow chong, tawar u leh ya ki kyntien dei wa ong, ham man ki khynroo-khyllood kiwa tip du yei stat pyrthai emkaam leh u man phi ki khynroo-khyllood kiwa tip ya ki hukum-adong Blai.

Ka bynta wa ar yong kani ka jamiet toh ka program pynwyrngia heiwa ki khon khynroo-khyllood ka Seiñraij ku tyngkong ki wow pynwyrngia ya ki mabei manpa da ki chaad, ki rwai wa i lehke drama wa tbian.

Share this:
Previous

Da ka drama wa pyrtuid “Chyer Changprah” pyndep ka dong Loomkyrwiang ya ka Baamphalar

Next

Pynkup burom ka KKC ka Loomkyrwiang ya ki waheh wasian wa jooh embynta ha ka lehke drama