15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Pynkup burom ka KKC ka Loomkyrwiang ya ki waheh wasian wa jooh embynta ha ka lehke drama

0 Comments
Advertisement ad1

Jowai: Ka Khynroo Khyllood Committee ka dong Loomkyrwiang dei sñiawkhia da pynkyrpang ko ya kani ka Baamphlar ha uni u snem deiwa pynkup burom ya ki waheh wasian, manbei manpa kiwa jooh ya em bynta ha i lehke drama kawa man ka dak i sñiawngooh wei sñiaw Makhane yei kitkhia yong ki hei wow pynneh pynsah ya kani ka rukom-dustur kawa ki warim waheh nachwa da tyoor luti ki.

Ya kani ka program pynkup burom da pynman ha ka sngi Baamdoh i janmiet heiwa u Andrew Chullai, MDC JHADC da wan u wow ya emlang kam u kongsan hapyrdi i emlang u waheh chnong, u Hamewan Laloo, General Secretary, Lammat-O Laloo wa kiwi kiwi ki waheh wasian.

Advertisement ad1

U Chibor Najiar, kam uwi na kiwa yahkhmat hapoh ka dong ka chnat hei e ya ki kyntien hajrong ka phong yong kani ka janmiet da yaroh u ya ka Khynroo-Khyllood Committee kawa da chynna jngai hei wow leh ya kani ka bynta wa emkaam tam chooh chooh dei sñiawkhia da kdar u leh wow khana pynsñiaw yei parom wa tbian chaphang i long i man ka dong ka chnat wa ya ki waheh wasian, manbei manpa kiwa da seiñ da sdang yow loom u pdeiñ kamjooh ya kani ka rukom-dustur.

Kheiñ kyllumlang waroh kiwa da chim u pynkup burom ha kani ka janmiet em ki hadooh 30 ngut heiwa ki manbei em ki hadooh 17 ngut katwa ki manpa wan em ki kamwa 13 ngut.

U Andrew Shullai kam u kongsan yong kani ka janmiet hawa e ya ki kyntien, da yaroh u ya ka Khynroo-Khyllood Committee kawa da chim ya ka yukit wa khia hei wow pynman ya ki program waphær waphær hapoh ka dong ka chnat wei da kitbok kitrwiang u leh yow nang yoh ka dong ka chnat yei roi i paar ha waroh ki liang.

Share this:
Previous

Pynman ka KKC ka SRJ ya ka yachemlang ki khon ki Soo Raij Soo Langdoh

Next

Chah hikai ki bru ha Shangpung hajrong i wow chna kpieñ chna sahchkoor da ki chken ki siej