Ka Khynroo Khyllood Committee (KKC) ka Seiñraij Jowai kamwa jooh leh man-u-snem wow pynemwarom ya ka sngi Kiang Nangbah Day, da pynman ko yei e snaam sñiawbha ynne ka sngi.
Ya ini i e snaam da pynman ha Blood Bank ka Jowai Civil Hospital, Panaliar Jowai heiwa da em ka yalang wa tbian wa pynlai da u Chanhun Laloo wei da yoh ya ki kyntien Ngooh Blai na u Sienmi Lato.
Neiliang u Asst. Secretary ka Seiñraij Jowai, u Wyraiki Kharbuki da khana u wa i daw wa pynman ya ini i e snaam sñiawbha toh wow yarap ya kiwi tawon ki bru wa emkaam snaam.
Ha kani ka yalang da yoh leh i klam na u Dr. E. Dan, Medical Officer, Jowai Civil Hospital, Ialong uwa da e khublei ya ka Seiñraij Jowai wa da pynman ya ini i e snaam sñiawbha deiwa batai leh i myntoi na i e snaam.
Da pynkut ya ka yalang da ki kyntien khublei na u Sajonksiar Lyngdoh, Secretary ka KKC-SRJ wei da em 16 ngut kiwa wan e snaam ha kani ka sngi.
Discussion about this post