15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Pynman ka Mowtyrshiah-A yei jied Waheh Chnong wa Secretary Chnong

Ynne ka sngi ka Dorbar Chnong Mowtyrshiah-A da pynman ko ya i jied ya kiwa kitkaam ka chnong kiwa kynthup ya u Waheh Chnong wa u Secretary Chnong heiwa da wan chimbynta da kiwa chong chnong kynthai wa chynrang kiwa da dap 18 snem chaneiñ ha Community Hall Mowtyrshiah-A.

Ha ini i jied da pynlai da u Dolloi ka Elaka Raliang u Chawas Lyngdoh heiwa da jied biang ya u Hamly Dkhar kam u Waheh Chnong wa u Satellite Lapasam kam u Secretary chnong ha ka samoi krehkaam kawa ar snem.

Hadien i jied da pynbna ya kiwa jop da u Dolloi wei da yoh ya ki kyntien kitbok na u Wining G Sungoh uwa man u MDC ka thaaiñ uwa da kyntu ya u Waheh Chnong wa Secretary Chnong wow kreh chitom ki wow wanrah ya i chongsuk wa i roi i paar.

Da ong u wa ki Waheh Chnong wa ki Dolloi toh ki bru wa da e bor da ka District Council wei emkaam u kreh ki katkam ki kyndon wa da thoh ha ka Sanad heiwa da pynsñiaw u leh yei sñiawkhia wa boon ki chnong piah ki du neidaw wa yaknieh man Waheh Chnong wei em ki por da poi chadooh cha yung kasari iwa da ktah yei man kyntang i synchaar chnong heiwa da yaroh u leh ya ka Mowtyrshiah wa ym jooh mih kam kini kiyi kiyi.

Neiliang u Dolloi da kyntu u ya kiwa chong chnong wow mih ryntih ki wow chimbynta hei wow thap Vote khnang wa ka chnong u ku ko liang wanang wei da yaroh u leh ya u Hamly Dkhar wa man u bru uwa kreh chitom ha ki phra snem wada dep wa man u kam u Waheh Chnong.

Kiwi kiwa da e yei klam toh u Kamdathmu Suchiang, u Homely Lapasam kamjooh u Secretary wa u Waheh Chnong wa da chah jied.

Share this:
Previous

Dawa ka EJNC wow pynman daka takit yow chem neiwon yoh mooyong ki Coke Factory

Next

Lai u khlieh chipai ka IAF cha Bangladesh yow pynkhlan yei maya lok hapyrdi ki ar ri