Ka yung krehkaam ka Namdong-B hapoh i yahkhmat u Waheh Chnong, u D.S. War wa kiwa kitkaam chnong ha ka 12 tarik da mih paidbah ki wow pynman yei pynkhooid chnong ha waroh ki dong ki chnat, ki luti ki syngkieñ iwa da sdang heipor 9:00 waje i step deiwa yachem chwa ha yung dorbar ka chnong chwa wow pynman yei pynkhooid chnong.
Ha kani ka yalang wa tbian, neiliang u waheh chnong da pynche wei batai u chaphang ka rukom pynkhooid chnong wei yei emkaam u leh khooid wym hoi u noh jhep næ ki Plastic ha sarok wa cha luti syngkieñ næ kat cha wa yoh.
Da rai leh wa nadooh katai ka sngi wa waroh ki manyung, ki dukan kiwa em ha rood sarok wym hoi de u pynhaap chyiap næ ki moo ha ki luti lai kjat (Footpath) wei kamjooh ki dukan ymtoh u booh tiar ki ha luti Footpath wei emkaam u man kini ki bynta wym em pynthut yei lai i wan ki bru khamtam ya ki khynnah skur, khnang yow lait nei jia wa sñiawsih kam i chah tyrrah kari, kamtæ da kyrpaad joor ya kiwa chong chnong wow ya krehlang ki chirup chirup.
Da kyntu leh ya ki mar jan chnong jan thaw kiwa wan yaaw wan haat wym hoi u noh taroi ya ki Plastic ha luti syngkieñ næ kat cha wa yoh.
Discussion about this post