Ka chnat kynthai yong ka Party NPP wa tip kam ka National People’s Youth Front, Women’s Wing Jowai Block, hei yahkhmat ka President, ka Pynshaihunki Laloo wa ka Secretary, ka Nerila Laloo hei step ka 14 tarik uni u bnai da pynman ki ya ka Cleaning Drive deiwa chimbynta hei pynkhooid ya ka Iawmusiang ha Jowai deiwa sdang ki na Stand War ter-ter nakhmat ka yung krehkaam u DC, ka Jowai Police Station chadooh Thomas Jones Synod College.
Neiliang ka President NPYF Women’s Wing Jowai Block, khana ko wa ka thong yong ki u pynman ya kani ka pynkhooid yaaw khamtam wa man ka thaw wa pynemkam yonglang, toh yow pynsñiawthooh wei kyntu kynrong ya ki para wa chong chnong ha Jowai waroh u man kiwa em i kitkhlieh yei khooid i pliah.
Da kyntu ki leh ya kiwa chong yaaw kiwa lai yaaw wow yakrehlang ki deiwa em i mynsien wow lehkhooid ym du kat ha-yung tangwa wot haki thaw yonglang wa ka imlang sahlang hi waroh kawi.
Da ban joor ki leh ya kiwa chong dai u lehkhooid leh pliah ki jar jiar i thaw chongdai wei wow burom ya kani ka yaaw kawa man ka thaw wa pyndap pynbiang yei emkaam yong ki wei im-ja leh na ka.
Ka NPYF da e khublei sñiawngooh haroh ko ya ka Dorbar Chnong Tympang Iawmusiang wa kamjooh ya ka Jowai Municipal Board wa bien ki u yakrehlang heiyatoh wa kani ka kaam wa da leh ki.
Discussion about this post