Ha ka 22 tarik uni u bnai, ka One Stop Center kawa pait ya kiwa yah Truck hapoh ka East Jaiñtia Hills District da pynman ko ya ka ‘Free Health Camp cum Awareness and Demand Generation Activities’ heiyatoh wa u khñiang HIV/AIDS ha yung krehkaam ka Jaiñtia Hills Truck Owner’s Association kawa em ha Takhniang, East Jaiñtia Hills.
Da khana wa kiwa em ya uni u khñiang ym em ki ya kawon kawon ka dak ka chin wei u tip toh du deiwa phah Test ki yei snaam wei lada ym dih dawai dachin yow pyntlot yei bor u khñiang daw kylla noh cha ka AIDS iwa pyntlot yei doh i pran hadooh wym ye de u yaleh pyrchah ya iwon iwon i kjut.
Da batai leh yei rukom poor uni u khñiang lyngba i snaam, i pynemkaam thyrnia da uwa dadep pynemkaam kiwa em ya uni u khñiang, i ya thiah kurim kulmar khlem da pynemkaam ki laad yada wa lyngba ka bei kawa punkhon cha i khon wa dang pun.
Ya kiwa em ya uni u khñiang da pynchlur yak i wow wan dih dawai ART.
Discussion about this post