Jowai: Ka Police Public Secondary School, Jowai kam chibynta wow pynku yaka yarong poisa ka skur, da pynman ki yaka yalehke bol kamjooh leh yaka tamasa dai baam næ ka Food Fest ha kani ka 13-09-2019, ha kani ka sngi da emlang leh u A. A. Shullai MDC, u SP WJH u L. Syiem, ka J. Synnah kawa pait ya ka chnat Social Welfare, West Jaiñtia Hills District, kiwa sikai, ki khynnah skur, u P. Suchen waheh dong ka Salini Colony, u R. Lamare General Secretary HYC JHD, u Pilarstone Phawa Secretary ka JSM wa kiwi de.
Ha kani ka sngi, da pynman leh ya ki yalehke bol Friendly Match hapyrdi ki le tylli ki dhab yalehke kiwa kynthup ya ka Police Public Secondary School, ka HYC Jaiñtia Hills District wa ka Jaiñtia Youth Development Society (JYDS).
Ha kani ka yalehke kawa sdang deiwa pynkhle nasib, ka liang yong ka HYC da yoh ko wow yang Final, katwa ka Police Public Secondary School da hap ko wow yakhun pyrshah ya ka JYDS heiwa da jop ka JYDS.
Chwa ini da pynman yaka yalang wa tbian wa pynlai da u Headmaster ka Police Public Secondary School, Jowai u M.C. Dkhar wei da yoh leh ya i klam na u President ka JYDS, uwa man leh u dkhot ka School Managing Committee ka Police Public Secondary School, u Damanleki Lathong wei da yoh leh ya i chaad pdiang burom na ki khynnah puræ yong kani ka skur.
Hawa kyruiñ won cha ka yalehke Football hapydri ka JYDS pyrchah ya ka HYC, ka yakhun man ko kawa yoo suk, tangwa ka JYDS da jop ko yaka HYC da 3-0.
Da saam ya ki khusnam wa Certificate cha kiwa jop wa kiwa rem ha kani ka sngi.
Discussion about this post