Jowai: Ka Priang Sports Club hei krehlang wa ka NYKS Jowai ha ka 20 tarik uni u bnai da pynman ko ya ka Youth Club Development Camp yong uni u snem wa da wan chimbynta da ki spah ngut ki khon khynroo na ki chnong waphær waphær kiwa em hapoh ka Laskein Block.
Ha kani ka sngi da wan leh ki National Youth’s Volunteer wa kynthup ya u Shembha Lamare, ka Fidia Suting, Ripynskem Lamare wa u Benjamin Darnei.
Da pynman leh ya ka yalang wa pynlai da u New Year Son Sumer heiwa da yoh ya i klam pdiang burom na u Banshan Lang Lapasam, i klam pynche ya ki scheme wa boonjait na ka NYKS na u Shembha Lamare, ka Fidia Suting ka Ripynskem Lamare.
Ha kani ka sngi da yoh leh yei klam na u waheh chnong yong ka Priang u Kyrshanlang Chulet, kamjooh na u Risalan Rymbai heiwa ha kani ka sngi u Branch Manager ka Rural Bank Iooksi Branch u Fourstar Rymbai da man u kam u bru chemphang namo u Resources Person.
Da pynchongchit ya kani ka sngi da ki rwai i chaad na ka Iahluti SHG, Shaniahlang SHG, Iah-Yeibha SHG, kamjooh na ki khon khynroo ka chnong.
Ya kani ka yalang da pynkut da ki klam e khublei na u Riwel Sumer.
Discussion about this post